Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 17-si hasaba alyndy. Bu barada TDH habar berýär.
Geleşikleriň çäklerinde daşary ýurt puluna BAE-niň we Gruziýanyň işewürleri «Türkmennebit» döwlet konserniniň kärhanasynda öndürilen binýatlyk ýagy satyn aldy. Şeýle hem Türkiýäniň, BAE-niň we Şweýsariýanyň telekeçilerine nah ýüplük, pagta süýümi, bugdaý uny, portlandsement we dokma önümleriniň dürli görnüşleri ýerlenildi. Bu ugurdaky geleşikleriň jemi bahasy 11 million 375 müň ABŞ dollaryna deň boldy.
Şol bir wagtda ýurduň hususy telekeçileri içerki bazar üçin jemi bahasy 145 million 420 müň manada deň bolan binýatlyk ýagyny, pagta süýümini, dokma galyndylaryny hem-de dürli görnüşli polipropilen plýonkalaryny satyn aldy.
