Gazagystanda daşary ýurtly ökde hünärmenler üçin ýurtda işlemegi we ýaşamagy aňsatlaşdyrjak ýörite «Altyn wiza» ulgamy dörediler. Bu barada ýurduň medeniýet we habar beriş ministri Aida Balaýewa mälim etdi.
Täze ulgamyň esasy maksady — ykdysadyýet üçin möhüm bolan hünärmenleriň we maýadarlaryň gelmegini hem-de işe ýerleşmegini ýeňilleşdirmekdir. Resminamalary taýýarlamak işleri sanly ulgama geçiriler we «bir penjire» ýörelgesi boýunça has çalt amala aşyrylar.
«Altyn wiza» esasan maýadarlar, önümçilik we infrastruktura hünärmenleri, inženerler, IT we lukmançylyk işgärleri üçin niýetlenendir.
Olar üçin Gazagystanda ýaşamak we işlemek şertleri has durnukly bolar. Şeýle-de, zerur pudaklarda daşary ýurtly hünärmenleriň diolomlaryny ykrar etmek işi hem aňsatlaşdyrylar.
Häzirki wagtda Gazagystanda hemişelik ýaşamak hukugy bolan 240 müňden gowrak daşary ýurtly bar. Olaryň 40 göterimi (97,5 müňüsi) Russiýanyň raýatlarydyr. Daşary ýurtlular köplenç ýaşamak üçin Almaty we Astana şäherlerini, şeýle hem Karaganda, Kostanaý we Pawlodar ýaly welaýatlary saýlaýarlar.
