«Awazada» Merkezi Aziýa ýurtlarynyň zenanlarynyň dialogy geçirildi

  • 06.08.2021 10:01
  • 18k+

Şu gün, 6-njy awgustda «Awaza» milli syýahatçylyk zolagyndaky «Berkarar» myhmanhanasynyň maslahatlar zalynda Merkezi Aziýa ýurtlarynyň zenanlarynyň dialogy geçirildi.

Zenanlaryň dialogyna gatnaşmak üçin Türkmenistana gelen Merkezi Aziýa döwletleriniň wekilleri ilki myhmanhananyň foýesinde guralan amaly-haşam sungatynyň sergisini synladylar.

Soňra Merkezi Aziýa ýurtlarynyň zenanlarynyň dialogyna gatnaşýan wekiliýet ýolbaşçylarynyň bilelikde surata düşmek dabarasy geçirildi.
Dialogyň açylyş dabarasynda Türkmenistanyň Milli Geňeşiniň Mejlisiniň Başlygy Gülşat Mämmedowa Prezident Gurbanguly Berdimuhamedowyň dabara gatnaşyjylara iberen Gutlagyny okady.

Dialogyň barşynda BMG-niň Baş Sekratarynyň ýörite wekili, BMG-niň Merkezi Aziýa üçin öňüni alyş diplomatiýasy boýunça Sebitleýin merkeziniň baştutany Natalýa German, Merkezi Aziýa ýurtlarynyň zenan ýolbaşçylarynyň dialogynyň Başlygy, Özbegistan Respublikasynyň Oliý Mažlisiniň Senatynyň Başlygy Tanzila Narbaýewa, Gazagystan Respublikasynyň Parlamentiniň Mažlisiniň Halkara meseleleri, goranmak we howpsuzlyk baradaky komitetiniň başlygy Aýgül Kuspa, Gyrgyz Respublikasynyň Žogorku Keneşiniň Toragasynyň Orunbasary Aida Kasymaliýewa, Täjigistan Respublikasynyň Hökümetiniň ýanyndaky Zenanlaryň we maşgala işleri boýunça Komitetiniň başlygy Hilolbi Kurbonzoda çykyş etdiler.

Çykyşlarda Merkezi Aziýada gender deňligini ösdürmek boýunça syýasatyň durmuşa geçirilmegi, sebitleýin hyzmatdaşlygyň tejribesi barda pikir alşyldy. Bu ugurda gazanylan üstünlikler bellenilip geçildi.

Çäräniň barşynda şeýle hem BMG-niň Baş Sekretarynyň kömekçisi, BMG-niň Ösüş Maksatnamasynyň Dolandyryjysynyň kömekçisi, BMG-niň Ösüş Maksatnamasynyň Ýewropa we GDA döwletleri boýunça Sebitleýin edarasynyň direktory Mirýana Spolýariç Eggeriň wideoýüzlenmesi diňlenildi.

Dialogyň barşynda Merkezi Aziýa ýurtlarynyň zenanlarynyň dialogynyň Jarnamasyny kabul edildi. Çäräniň ahyrynda Merkezi Aziýa ýurtlarynyň zenanlarynyň dialogyna gatnaşyjylaryň adyndan Merkezi Aziýa döwletleriniň Baştutanlaryna Ýüzlenme okaldy.
Günortan çärä gatnaşyjylar «Awaza» Kongresler merkezinde Merkezi Aziýa döwletleriniň Baştutanlarynyň Hormatly nyşany bilen sylaglamak dabarasyna gatnaşarlar.
TmCars.info «Awaza» Milli syýahatçylyk zolagyndaky wakalar baradaky habarlary okyjylarynyň dykgatyna ýetirip durar.


şu gün 00:36
499

Balkan welaýaty Gazagystanyň Mangistau welaýaty bilen strategik hyzmatdaşlygyň maksatnamasy ylalaşyldy

28-nji awgustda Türkmenistanyň Balkan welaýatynyň häkimi Hojamyrat Aşyrmyradowyň ýolbaşçylygyndaky wekiliýet iş sapary bilen Gazagystanyň Mangistau welaýatyna bardy diýip, Türkmenistanyň DIM-nde habar berdiler...

düýn 19:50
3.9k+

Serdar Berdimuhamedow dört günlük iş sapary bilen Hytaýa bardy

Şu gün, 31-nji awgustda Prezident Serdar Berdimuhamedow Şanhaý Hyzmatdaşlyk Guramasynyň sammitine we Ýeňşiň 80 ýyllygyna bagyşlanan dabaralara gatnaşmak üçin dört günlük iş sapary bilen Hytaý Halk Respublikasynyň Týanszin şäherine geldi...

30.08.2025 18:33
11k+

Uly we Kiçi Balkan daglary gorag astyna alnyp, goraghanalar dörediler

Türkmenistanda özeni Uly Balkan dagynda ýerleşdirilen täze goraghananyň, Kiçi Balkan dagynda we Günorta Ustýurtda bolsa ýörite goraghanalaryň döredilmegi meýilleşdirilýär. Şol bir wagtyň özünde, ýerli maldarlaryň işlerini dowam etdirmekleri üçin Balkan gerşiniň etekleri we töweregindäki öri meýdanlar olaryň ygtyýarynda galar...

30.08.2025 18:18
5.5k+

"Türkmenhimiýa" DK ýod we brom öndürýän zawody gurmak boýunça bäsleşik yglan etdi

Türkmenistanda “Balkanabat” ýod zawodynyň Nebitdag-Monjukly känindäki çig mal bazasynyň durkuny täzelemek bilen, ýod, brom, we brom önümlerini öndürýän zawodynyň gurulmagy meýilleşdirilýär. "Türkmenhimiýa” döwlet konserni kärhananyň taslamasyny düzmek we ony doly gurmak boýunça halkara bäsleşik yglan etdi...