Türkmenistan Abu-Dabiniň syýahatçylar üçin howpsuz ýurtlarynyň «ýaşyl» sanawyna girdi

  • 18.07.2021 08:16
  • 15k+

 

Türkmenistan Birleşen Arap Emirlikleriniň paýtagtyna barmak üçin syýahatçylaryň hökmany karantinden boşadylýan howpsuz ýurtlaryň sanawyna girdi. Abu-Dabiniň Medeniýet we syýahatçylyk departamentiniň «ýaşyl» sanawyna ýurtlaryň jemi 35-si girýär. Bu barada thenationalnews.com neşirinde maglumat berildi.

«Ýaşyl» sanawyna girizilen ýurtlaryň arasynda Albaniýa, Ermenistan, Awstraliýa, Awstriýa, Azerbaýjan, Belgiýa, Kanada, Hytaý, Daniýa, Fransiýa, Germaniýa, Gonkong, Wengriýa, Islandiýa, Ysraýyl, Italiýa, Iordaniýa, Malta, Mawrikiý, Moldowa, Niderlandlar, Täze Zelandiýa, Norwegiýa, Irlandiýa, Rumyniýa, Saud Arabystany, Seýşel adalary, Singapur, Günorta Koreýa, Şwesiýa, Şweýsariýa, Hytaýyň Taýwan welaýaty, Türkmenistan, ABŞ we Watikan bar. 
Bellenilişi ýaly, şu ady agzalan ýurtlardan gelýän ýolagçylara karantinde bolmak zerurlygy ýok, ýöne olar Abu-Dabide bolanlarynda, ýerli howa menzilinde koronawirusy anyklaýan PZR testini tabşyrmaly. Abu-Dabiniň, Bahreýniň, Gresiýanyň, Serbiýanyň we Seýşel adalarynyň arasynda «ýaşyl» geçelgeler hereket edýär. Munuň özi şu ýurtlara barlanda hem-de Birleşen Arap Emirliklerine yza dolanylanda, karantin çäklendirmesiniň ýokdugyny aňladýar.
«Ýaşyl» sanawa girýän ýurtlaryň sanjym edilmedik raýatlary hem-de BAE-niň wekilleri Abu-Dabi şäherine gelenlerinde üç gezek PZR testini tabşyrmaly: şähere baranlarynda, paýtagtda bolýan 6-njy hem-de 12-nji günlerinde.
Beýleki ähli ýurtlaryň raýatlary 12 günlük karantinde bolup, elektron goşarlyklary dakynmaly hem-de Abu-Dabide bolýan 11-nji gününde PZR test tabşyrmaly.

 

 

 


25.06.2025 16:32
8.6k+

Aşgabat bilen Awazanyň arasynda ikinji gündelik awtobus gatnawy ýola goýuldy

25-nji iýundan başlap «Awtomobil Ulag Hyzmaty» açyk görnüşli paýdarlar jemgyýeti Aşgabat — Awaza — Aşgabat ugry boýunça ikinji gündelik gatnawyny ýola goýýar. Bu barada "Türkmenawtoulaglary" agentligi habar berýär...

24.06.2025 18:48
7k+

Ýaponiýadaky Fudzi dagyna rezin tigirli üýtgeşik tramwaý goýberilýär

Ýaponiýanyň Ýamanasi prefekturasynda adaty asfalt ýollardan hereket etjek rezin tigirli üýtgeşik tramwaýy işe girizmäge taýýarlyk görülýär. Ýöne onuň hereketi magnit markerleriniň ulgamy bilen çäklendiriler. The Asahi Shimbun neşiriniň habar bermegine görä, täze ulag görnüşi Fudzi dagyna barýan alpinistler we syýahatçylar üçin niýetlenýär...

19.06.2025 11:18
6.4k+

Kopengagen dünýäniň ýaşamak üçin iň rahat şäheri diýlip ykrar edildi

Kopengagen 2025-nji ýylda dünýäniň ýaşamak üçin iň rahat şäherleriniň sanawynda birinji orny eýeledi. Reýting Britaniýanyň Economist Intelligence Unit (EIU) analitiki merkezi tarapyndan düzüldi diýip, The Economist habar berýär...

18.06.2025 14:09
7.9k+

Qatar Airways - dünýäniň iň gowy awiakompaniýasy. Singapore Airlines-iň bolsa iň gowy ekipažy bar

Qatar Airways World Airline Awards-yň wersiýasy boýunça dünýäniň iň gowy awiakompaniýalarynyň sanawynda dokuzynjy gezek öňdeligi eýeledi. Baýrak gowşurylyş dabarasy Halkara awiakosmos sergisiniň çäginde Parižde geçirildi...