Resmi: Huawei 4-nji iýulda özüniň ikinji awtoulagyny tanyşdyrar

Resmi: Huawei 4-nji iýulda özüniň ikinji awtoulagyny tanyşdyrar

Owal Huawei 4-nji iýulda nova 10 seriýaly smartfonlarynyň resmi taýdan ilkinji tanyşdyrylyşynyň boljakdygyny habar beripdi, häzir bolsa hut şol gün kompaniýanyň öz ikinji awtoulagy — Aito M7 bilen hem tanyşdyrjakdygy mälim boldy.  Huawei bir okda iki towşan awlar, emma, şol gün täzeligiň has köpräk boljakdygyny aýdýarlar.

Aito M7 — bu gibrid krossower. Gabarasy boýunça ol Huawei-ň birinji awtoulagyndan — Aito M5 gibrid krossowerinden ep-esli uly bolar. Kompaniýa birnäçe täze tizeri çap etdi, olarda Aito M7-niň syýahata niýetlenen ullakan maşgala awtoulagynyň ornuny tutjakdygy barada aýdylýar.
Jikme-jiklikleri barada 4-nji iýulda has takyk gürrüň berler, ýöne eýýäm onuň alty adamlykdygy, teker bazasynyň uzynlygy 2820 mm bolup, gabarasynyň 5020 x 1945 x 1775 mm-den ybaratdygy mälimdir.
Çekiji batareýasynyň sygymy takmynan 40 kWt.s — krossower arassa elektrik bilen 150 km töweregi ýoly geçip bilýär, 100 km üçin 7 litr töweregi ýangyç sarp eder. Şu ýagdaýda kuwwat ýetmezçiligi bolmaz: öň okuna oturdylan kuwwaty 177 a.g.-ne deň bolan elektrohereketlendiriji yzky okdaky kuwwaty 272 a.g.-ne deň bolan hereketlendiriji bilen sazlaşar.