Ýewropanyň Airbus uçargurluşyk kompaniýasy maý aýynyň ahyryna çenli «A320» maşgalasyna degişli ýolagçy uçarlary üçin 20 müňden gowrak sargyt aldy. Bu görkeziji Ýewropanyň uçargurluşykçysynyň iň köpçülikleýin önümçilik tapgyry boýunça rekord derejedir.
«A320ceo» we «A320neo» modelleri üçin umumy sargytlaryň sany 20 169 uçara ýetdi. Munuň özi konserniň ýene onlarýa ýyllyk önümçiligini üpjün etdi. Sargytlaryň bu derejede artmagyna China Southern Airlines, Xiamen Airlines awiakompaniýalaryndan we näbelli müşderiden gelen sargytlar sebäp boldy.
Bu tapgyr üçin iň esasy bolmagynda galýan «A321neo» modeli üçin 7739 sany sargyt alyndy. Konsern entek «A320neo» maşgalasyna degişli ýene 7500-e golaý uçary-da gowşurmaly. Hatda her aýda 60 töweregi uçary öndürmek bilen hem, bu sargytlaryň mukdary önümçiligiň uzak ýyllar durnukly işlemegine kepil geçýär.
1981-nji ýylda «Air France» bilen baglaşylan ylalaşyk arkaly başlanan «A320» maksatnamasy, eýýäm köp wagtdan bäri raýat awiasiýasynyň taryhyndaky iň iri taslama öwrüldi.
