Sietlde 2026-njy ýylyň 11-nji iýunyndan 6-njy iýulyna çenli futbol boýunça dünýä çempionatynyň suwda ýüzýän fan-zonasy hereket eder. «Seattle Soccer Celebration» atly bu taslama Elliott aýlagynyň suwunda, «Pier 62» gämi duralgasynyň golaýynda ýerleşdiriler.
Guramaçylar suw üstünde ýüzýän mini-futbol meýdançasyny we oýunlary göni ýaýlymda görkezmek üçin uly LED ekranyny gurnar. Şeýle-de, bu ýerde konsertler, interaktiw futbol çäreleri geçiriler we gastronomiýa meýdançalary guralar.
Taslama «Sietl Saunders» (Seattle Sounders FC) we «Sietl Reýn» (Seattle Reign FC) futbol klublary tarapyndan RAVE Foundation gaznasy bilen bilelikde durmuşa geçirilýär. Taslamanyň baş hyzmatdaşy hökmünde Lenovo kompaniýasy çykyş etdi.
RAVE Foundation gaznasy Waşington ştatynyň okrug sanawy boýunça 52 sany mugt futbol meýdançasynyň gurluşygyny göz öňünde tutýan RAVE 52 başlangyjyny ösdürýär.
Sietl şäheri ABŞ-da, Kanadada we Meksikada geçiriljek 2026-njy ýylyň dünýä çempionatyny kabul ediji şäherleriň sanawyna girýär. Ýaryşyň oýunlary, takmynan, 69 müň tomaşaça niýetlenen Lumen Field stadionynda geçiriler.
