NASA Artemis III adam dolandyryşly missiýasynyň maksatnamasyna takyklama girizdi: Aýa uçup, oňa gonmagyň deregine, ekspedisiýa Ýeriň pes orbitasynda amala aşyrylar. Bu uçuş geljekde Aýyň ýüzüne gonmak üçin taýýarlyk tapgyry bolar.
Maksatnama Orion gämisiniň Aýa gonuş modullary bilen özara täsirini we baglanyşygyny barlamagy maksat edinýär.
Missiýanyň dowamlylygy 10 günden köp bolar (bu Artemis II missiýasyndan has uzakdyr). Bu wagt ekipaža ýerdäki gulluklar we täjirçilik hyzmatdaşlary bilen işleşmegi öwrenmäge mümkinçilik berer.
Bu missiýada taryhda ilkinji gezek SpaceX we Blue Origin kompaniýalary bilelikde gatnaşarlar. NASA iki potratçynyň uçurylyşyny we orbitadaky amallaryny utgaşdyrar.
Raketada hakyky ýokary basgançagyň ýerine, agramy we ölçegi boýunça oňa kybapdaş, emma hereketlendirijisiz maket oturdylar.
Blue Origin özüniň Blue Moon Mark 2 imitatoryny, SpaceX bolsa Starship HLS imitatoryny orbitada synagdan geçirer. Gämileriň bu apparatlar bilen ýakynlaşmagy we birleşmegi missiýanyň dürli tapgyrlarynda ýerine ýetiriler.
NASA Axiom kompaniýasynyň täze AxEMU skafandrlarynyň gonuş modullarynyň interfeýslerine laýyklygyny barlamagy meýilleşdirýär. Bu barlaglar Aýyň ýüzünde däl-de, diňe ulgamlaryň we proseduralaryň özara sazlaşygyny bahalandyrmak üçin geçiriler.
Artemis III missiýasyna Artemis IV-iň çäklerinde amala aşyryljak hakyky gonuşdan öňki iň soňky taýýarlyk hökmünde garalýar. Häzirki wagtda uçuşyň anyk wagty we ekipažyň düzümi mälim edilmedi.
