Fransiýanyň prezidenti Emmanuel Makron we Ermenistanyň premýer-ministri Nikol Paşinýan Ýerewandaky resmi agşam naharynda Şarl Aznawuryň meşhur «Bogema» aýdymyny ýerine ýetirdiler. Iki ýurduň liderleriniň bu adaty bolmadyk çykyşy «Franceinfo» teleýaýlymynda görkezildi.
Wideoşekillerde Ýerewanda geçirilýän Ýewropanyň syýasy jemgyýetiniň sammitiniň hormatyna guralan dabarada fransuz lideriniň roýalyň ýanynda durup, mikrofonda aýdym aýdýandygyny synlamak mümkin. Oňa roýalda ermeni sazandasy we kompozitory Waagn Aýrapetýan, deprekde bolsa premýer-ministr Nikol Paşinýan sazandarlyk edýär.
Syýasatçylaryň sungatdaky çykyşyna dabaranyň beýleki gatnaşyjylary, şol sanda Ermenistanyň prezidenti Waagn Haçaturýan hem uly gyzyklanma bilen tomaşa etdi.
Ýewropanyň syýasy jemgyýetiniň sammiti ermeni paýtagtynda 4-5-nji maý günlerinde geçirildi. Oňa 50 sany döwletiň wekiliýeti, şol sanda Ýewropa Bileleşiginiň we hyzmatdaş ýurtlaryň liderleri gatnaşdy. Forumyň esasy mowzugy Ermenistan bilen Ýewropa Bileleşiginiň arasyndaky gatnaşyklary berkitmegiň ýollaryny ara alyp maslahatlaşmakdan ybarat boldy.
