18-nji maýda Ýeriň ýaşaýjylary görüp bolýan astronomik hadysany — Aýyň we Weneranyň wizual ýakynlaşmasyny synlap bilerler. Agşam asmanynda ýagty planeta ulalyp barýan inçe orak şekilli Aýyň ýanynda peýda bolar.
NASA-nyň maglumatlaryna görä, bu hadysa Gün ýaşan dessine, günbatar gözýetime seredip synlanylsa has gowy bolar. Wenerany ýagtydygy sebäpli, adaty göz bilen aýdyň görüp bolar we onuň golaýynda bolsa orak şekilli ýaş Aý peýda bolar.
Asman jisimleri biri-birine golaý ýaly görünse-de, aslynda olar millionlarça kilometr aradaşlykda ýerleşýär. Bu täsir olaryň Ýere görä ýerleşýän ýerleri sebäpli ýüze çykýar.
Iki obýekt hem Öküzçe ýyldyzlar toplumynda ýerleşer we ýörite enjamsyz hem görner, emma dürbi olary has gowy görmäge mümkinçilik berer.
Üstesine asmanda Ýupiteri hem görmek bolar, ol Weneranyň ýokarsynda peýda bolup, üç obýektden ybarat kompozisiýany döreder. Ertesi agşam, 19-njy maýda, Aý has ýokary galyp, Wenera bilen Ýupiteriň arasynda diýen ýaly bolar, bu bolsa ýene bir şonuň ýaly görnüşi synlamaga mümkinçilik berer.
