Germaniýada emeli aňdan peýdalanyp, kazyýetde özüni aklamagy başaran adam barada täsin waka hasaba alyndy. Leýpsig şäheriniň ýaşaýjysy Dawid Hins öz goranyş çäresini ChatGPT neýroulgamynyň kömegi bilen taýýarlap, kazyýet işini utmagy başarýar.
Wakanyň mazmuny şeýle:işsizlik kömegini alyp ýören Hins işe göz öňünde tutulan möhletden bir hepde öň çykandygy sebäpli Federal zähmet agentligi tarapyndan kazyýet işine duçar bolýar. Ol bu barada degişli edara wagtynda habar berendigine garamazdan, tölegler öz wagtynda togtadylmandyr we oňa artykmaç 242,34 ýewro geçirilipdir.
Agentlik ýalňyşlygy düzetmegiň ýerine, raýaty kezzaplykda aýyplaýar.
Şeýlelikde, aklawjy tutmaga mümkinçiligi bolmadyk Hins, neýroulgamyň kömegi bilen 18 sahypalyk arza taýýarlaýar we özünde hiç hili ýaman niýetiň bolmandygyny kazyýetde subut etmegi başarýar.
Şeýdip, geçen ýylyň martynda başlan kazyýet işi, oktýabr aýynda onuň aklanylmagy bilen tamamlanýar.
