Volkswagen kompaniýasy Hytaýyň Xpeng kompaniýasy bilen tehniki hyzmatdaşlykda döredilen ilkinji seriýaly ulagy — D. Unyx krossowerini satuwa çykardy. Hytaýly müşderileriň islegi esasynda dizaýnlaşdyrylan bu model üç görnüşli toplumda hödürlenýär.
Bahasy 229,9–289,9 müň ýuan (takmynan 31 700 – 40 000 dollar) bolan krossoweriň uzynlygy 5000 mm, teker bazasy bolsa 3030 mm-dir.
Ulagyň daşky görnüşi altyn reňkli bezeg zolaklary we 400 sany dolandyrylýan ýagtylyk diodyndan (LED) ybarat öňdebaryjy optika bilen tapawutlanýar. Içki bezegde bolsa 10 dýuýmlyk çyzykly panel we iki goşmaça ekran, şeýle-de 12 elektrosazlamaly, gyzdyryjy, wentilýasiýa we pnewmomassaž funksiýaly oňaýly oturgyçlar bar.
Ulag 800 woltly arhitektor esasynda gurlup, öndürijiligi boýunça iki görnüşde hödürlenýär:
- Yzky çekiji: 308 at güýji.
- Doly çekiji: 496 at güýji (100 km/sag tizlige bary-ýogy 4,9 sekuntda ýetýär).
Batareýanyň görnüşine baglylykda, «CLTC» sikli boýunça bir gezek zarýad bilen 630–730 km aralygy geçip bilýär.
Ulag 11 kamera we 15 radarly işleýän şäher awtopiloty (awtonom sürüjilik ulgamy) bilen üpjün edilendir.
