Ýaponiýada emeli aň esasynda işlenip düzülen «Awababy» mobil programmasy ene-atalara entek dilem açmadyk çagalarynyň näme üçin aglaýandygyna düşünmäge kömek edýär.
Bu ulgama takmynan 150 müň sany ses ýazgysy arkaly tälim berildi. Şoňa görä, algoritm bäbegiň sesiniň belentligini, tembrini we dowamlylygyny seljerip, agynyň ähtimal sebäbini anyklaýar.
Programma bäbegiň ajykmak, ukysy tutmak, ynjalyksyzlyk, ýeke galmak gorkusy, üşemek ýa-da yssylamak, içagyry we üns berilmegine bolan isleg ýaly 11 sany ýagdaýyny we islegini tapawutlandyrýar.
Şeýle-de ulanyjylar programma çagany köşeşdirmekde haýsy usullaryň kömek edendigi baradaky maglumaty hem goşup bilýärler. Ene-atalaryň öz tejribelerini paýlaşmaklary maslahatlaryň umumy binýadyny emele getirýär.
Synag döwründe eneler hatda bäbegiň näme üçin aglaýandygyna azda-kände düşünmegiň hem ýagdaýa has parahat çemeleşmäge kömek edýändigini bellediler.
20-nji aprelden başlap, Ýaponiýanyň Misima şäherinde iki ýaşyna çenli çagasy bolan maşgalalar üçin programmanyň premimum-wersiýasy mugt elýeterli bolar.
