Koreýa Respublikasynyň Daşary işler ministrligi Li Won Çženi Türkmenistandaky täze Adatdan daşary we Doly ygtyýarly ilçisi wezipesine belledi. Bu barada Daşary işler ministrligine salgylanyp, «Orient» habar berýär.
30 ýyllyk iş tejribesi bolan diplomat ykdysadyýet we halkara howpsuzlygy ulgamlarynda uly tejribä eýe. Bu bolsa Seulyň Aşgabat bilen hyzmatdaşlygy, esasan hem senagat we infrastruktura taslamalarynda özara gatnaşyklary berkitmäge bolan gyzyklanmasyny görkezýär.
Li Won Çže mundan ozal Koreýanyň Gyrgyzystandaky diplomatik wekilhanasyna (2021–2025) ýolbaşçylyk etdi, Koreýanyň DIM-iniň Ykdysady hyzmatdaşlyk bölümini dolandyrdy hem-de Goranmak ministrliginde utgaşdyryjy bolup işledi. Şeýle hem onuň Eýranda we Russiýada iş tejribesi bar. Diplomat Koreýanyň Milli diplomatik akademiýasynda okatdy, bu bolsa onuň strategik we nazary tejribesiniň ýokarydygyny görkezýär.
1968-nji ýylda doglan diplomat Ýonse uniwersitetini tamamlady. Ol şeýle hem Koreýanyň Beýik Britaniýadaky, Germaniýadaky we Italiýadaky diplomatik wekilhanalarynda işledi.
