2026-njy ýylyň 2-3-nji marty aralygynda Tokio şäherinde Bütindünýä banky, Halkara pul gaznasy, Ykdysady hyzmatdaşlyk we ösüş guramasy hem-de BMG tarapyndan döredilen «Salgyt boýunça hyzmatdaşlyk platformasynyň» çäklerinde «Salgyt we ösüş» atly mejlis geçirildi. Bu halkara çärä Türkmenistanyň Maliýe we ykdysadyýet ministriniň orunbasary B. Ýalakowyň ýolbaşçylygyndaky wekiliýet gatnaşdy diýip, Türkmenistanyň DIM-i habar berýär.
Mejlisiň dowamynda döwletleriň salgyt syýasatyny kämilleşdirmek, salgyt ulgamynyň netijeliligini ýokarlandyrmak, ykdysady ösüşi goldamak ugrunda halkara hyzmatdaşlygyny ösdürmek, sanly tehnologiýalary ulanmak arkaly salgyt dolandyryşyny döwrebaplaşdyrmak we durnukly ykdysady ösüşi goldamak meseleleri ara alnyp maslahatlaşyldy.
Gatnaşyjylar ösüş ýolundaky ýurtlarda maliýe serişdelerini netijeli peýdalanmak we aç-açan ykdysady gurşawy döretmek boýunça özara tejribe alyşdy.
Mejlisiň netijesinde salgyt ulgamynda halkara hyzmatdaşlygyny we maglumat alyş-çalşygyny güýçlendirmek baradaky möhüm teklipler öňe sürüldi.
