2026-njy ýylyň 4-nji martynda Türkmenistanyň Hytaý Halk Respublikasyndaky ilçisi P.Durdyýew bilen Hytaýyň Daşary işler ministriniň kömekçisi jenap Lýu Biniň arasynda duşuşyk geçirildi. Bu barada Türkmenistanyň DIM-i habar berýär.
Gepleşikleriň dowamynda iki ýurduň arasyndaky ikitaraplaýyn gatnaşyklaryň häzirki ýagdaýy we geljegi ara alnyp maslahatlaşyldy.
Taraplar iki döwletiň ýolbaşçylarynyň arasyndaky ysnyşykly dialogyň türkmen-hytaý gatnaşyklarynyň yzygiderli ösmeginde möhüm ähmiýete eýedigini nygtady. Söhbetdeşligiň barşynda ikitaraplaýyn hyzmatdaşlygyň gadymdan gelýän dostluk we doganlyk gatnaşyklaryna, özara hormat goýmak we ynsaperwerlik ýörelgelerine esaslanýandygy bellenildi. Syýasy, ykdysady we medeni-ynsanperwer ulgamlarda bar bolan giň mümkinçilikleri netijeli ulanmagyň ähmiýeti bellenildi.
Şeýle hem duşuşykda halkara guramalarynyň çäklerinde özara goldaw bermek tejribesiniň umumy bähbitlere laýyk gelýändigi barada durlup geçildi. Taraplar iki ýurduň arasyndaky strategik hyzmatdaşlygy mundan beýläk-de çuňlaşdyrmaga gyzyklanma bildirýändiklerini tassyklady.
Hytaý Halk Respublikasynda türkmen-hytaý gatnaşyklarynyň geljegi maslahatlaşyldy
- 05.03.2026 15:54
- 5.7k+
