25-nji fewralda Türkmenistanyň daşary işler ministri Raşid Meredow Merkezi Aziýa ýurtlarynyň daşary syýasat edaralarynyň ýolbaşçylarynyň Beýik Britaniýanyň we Demirgazyk Irlandiýanyň Birleşen Patyşalygynyň parlamentiniň Jemgyýet palatasynyň başlygy Lindsi Hoýl bilen geçiren duşuşygyna gatnaşdy.
Söhbetdeşligiň dowamynda türkmen tarapy parlamentara gatnaşyklary ösdürmek we berkitmek ugrundaky yzygiderli tagallalar üçin minnetdarlyk bildirdi. Bu nukdaýnazardan, 2011-nji ýylda gol çekilen Özara düşünişmek hakyndaky Ähtnamanyň düzgünleriniň ýerine ýetirilýändigi, şeýle hem parlamentara dostluk toparlarynyň alyp barýan işleri bellenilip geçildi.
Şol gün parlamentiň binasynda Merkezi Aziýa ýurtlary bilen hyzmatdaşlyk boýunça Ählipartiýalaýyn parlament toparynyň agzalary bilen aýratyn duşuşyk geçirildi. Bu topara Pem Koks ýolbaşçylyk edýär.
