Türkmenistanyň DIM-iniň ýolbaşçysy Beýik Britaniýanyň Döwlet goranmak ministri bilen duşuşdy

Türkmenistanyň daşary işler ministri Raşid Meredow 25-nji fewralda Merkezi Aziýa ýurtlarynyň daşary syýasat edaralarynyň ýolbaşçylarynyň Beýik Britaniýanyň Döwlet goranmak ministri Lord Rodni Kouker bilen geçiren duşuşygyna gatnaşdy. Çäre Patyşalygyň atçylyk gwardiýasynyň binasynda boldy diýip, Türkmenistanyň DIM-i habar berdi.
Gepleşikleriň dowamynda taraplar sebit howpsuzlygyny üpjün etmek, özara düşünişmegi berkitmek we Merkezi Aziýa döwletleri bilen Birleşen Patyşalygyň arasyndaky dialogy giňeltmek meselelerini maslahatlaşdy.
Gatnaşyjylar hünärmenleri taýýarlamak ulgamynda tejribe alyşmaga, şeýle hem häzirki zamanyň wehimlerine we howplaryna garşy hereket etmegiň gurallaryny kämilleşdirmäge aýratyn üns berdi.
Taraplar konstruktiw we özara ynanyşmaga daýanýan gatnaşyklary dowam etdirmegiň möhümdigini nygtady. Bu hyzmatdaşlyk sebit we halkara derejesinde durnuklylygy hem-de howpsuzlygy berkitmäge gönükdirilendir.