TDHÇMB-nyň söwdalarynda geleşikleriň jemi bahasy 38 million dollara golaýlady

Geçen hepdede Türkmenistanyň Döwlet haryt-çig mal biržasynyň söwdalarynda daşary ýurt puluna baglaşylan geleşikleriň jemi bahasy 37 million 801 müň dollardan geçdi. Hasabat döwründe jemi 31 geleşik hasaba alyndy.
Owganystanyň we Türkiýäniň işewürleri «Türkmennebit» döwlet konserniniň kärhanalarynda öndürilen suwuklandyrylan gazy hem-de «Türkmenhimiýa» döwlet konserniniň karbamidini satyn aldylar.
Mundan başga-da, daşary ýurt puluna bugdaý uny, aşgarlanmadyk mata, erkekler üçin eşikler, nah ýüplük, pagta süýümi, pamyk, portlandsement we buýan köküniň gury ekstrakty ýerlenildi. Alyjylaryň hatarynda BAE-niň, Türkiýäniň, Beýik Britaniýanyň, Serbiýanyň we Gyrgyzystanyň wekilleri bar.
Ýerli telekeçiler içerki bazar üçin «Türkmennebit» döwlet konserniniň polipropilenini we binýatlyk ýagyny, şeýle hem nah ýüplügi we bugdaý ununy satyn aldylar. Bu geleşikleriň umumy bahasy 48 million 506 müň manatdan gowrak boldy.