Türkmenistanyň Daşary işler ministrligi ýurduň daşary syýasaty baradaky möhüm maglumatlara dessin elýeterliligi üpjün etmek maksady bilen smartfonlar üçin resmi ykjam goşundysyny hödürledi. Bu barada ministrligiň metbugat gullugy habar berýär.
Bu hyzmat ulanyjylara gündelik täzelikler akymyny, ministrligiň işi baradaky giňişleýin maglumatlary, şeýle hem Türkmenistanyň dünýäniň dürli ýurtlaryndaky diplomatik wekilhanalarynyň, konsullyklarynyň we halkara guramalaryň ýanyndaky hemişelik wekilhanalaryň alyp barýan işleri barada maglumatlary hödürleýär.
Goşundynyň esasy aýratynlyklarynyň biri hem konsullyk hyzmatlaryny almak üçin onlaýn nobata durmak mümkinçiligidir. Bu bolsa raýatlaryň ministrlik bilen özara gatnaşygyny ep-esli ýönekeýleşdirýär. Ykjam kömekçi türkmen, rus we iňlis dillerinde elýeterli bolup, resmi maglumatlaryň bir merkezde jemlenmegini üpjün edýär.
Goşundy eýýäm Google Play we App Store dükanlarynda mugt göçürip almak üçin elýeterlidir.
Türkmenistanyň Daşary işler ministrligi öz ykjam goşundysyny işe girizdi
- düýn 19:11
- 2.7k+
