13-nji fewralda Türkmenistanyň Prezidenti Serdar Berdimuhamedow Ministrler Kabinetiniň giňişleýin mejlisini geçirdi. «Watan» habarlar gepleşiginde habar berlişi ýaly, mejlisiň dowamynda 2025-nji ýylda alnyp barlan işleriň jemleri jemlenildi we 2026-njy ýylda ileri tutuljak wezipeler kesgitlenildi.
Mejlisde milli ykdysadyýetiň pudaklarynyň on iki aýlyk görkezijileri seljerildi. Döwlet Baştutanymyz Ministrler Kabinetiniň Başlygynyň orunbasarlarynyň, birnäçe ministrlikleriň, pudaklaýyn edaralaryň ýolbaşçylarynyň hem-de welaýatlaryň häkimleriniň hasabatlaryny diňledi.
Esasy üns ýurdy 2026-njy ýylda durmuş-ykdysady taýdan ösdürmegiň meýilnamalaryna gönükdirildi. Şeýle hem Prezident Serdar Berdimuhamedow guramaçylyk meselelerine seredip, birnäçe ýolbaşçylary wezipä bellemek we wezipeden boşatmak hakyndaky Permanlara gol çekdi.
Giňişleýin mejlise Türkmenistanyň Mejlisiniň wekilleri, Döwlet howpsuzlyk geňeşiniň agzalary, welaýatlaryň, Aşgabat hem-de Arkadag şäherleriniň häkimleri, köpçülikleýin habar beriş serişdeleriniň ýolbaşçylary, ýokary okuw mekdepleriniň rektorlary we beýleki ýolbaşçylar gatnaşdylar.
Mejlisiň barşynda dürli ugurlara degişli birnäçe resminamalara gol çekildi.
2025-nji ýylyň jemleri boýunça Ministrler Kabinetiniň giňişleýin mejlisi geçirildi
- 14.02.2026 06:06
- 13k+
