Ispaniýada 16 ýaşdan kiçi ýetginjekler üçin sosial ulgamlary ulanmagy gadagan etmek meýilleşdirilýär. Bu barada ýurduň premýer-ministri Pedro Sançes Birleşen Arap Emirliklerinde geçirilen sammitde aýtdy diýip, The Guardian neşiri habar berýär.
«Ispaniýa 16 ýaşdan kiçi bolan kämillik ýaşyna ýetmedikler üçin sosial ulgamlara elýeterliligi gadagan eder. Platformalar diňe bir "bellik" goýmak däl-de, eýsem ýaşy barlamagyň netijeli ulgamlaryny ornaşdyrmaga borçly bolar» diýip, Pedro Sançes belledi.
Ol Ispaniýanyň «Sanly tehnologiýalara taýýar bolan ýurtlaryň koalisiýasy» atly başlangyjyň çäklerinde Ýewropanyň beýleki bäş döwletine goşulandygyny aýtdy. Onuň sözlerine görä, bu birleşik sanly ulgamda hereketleri utgaşdyrmak we serhetüsti kadalaşdyryş düzgünlerini berjaý etmek üçin döredildi. Premýer-ministr beýleki ýurtlaryň atlaryny agzamady.
Mundan ozal, şeýle çäklendirmeler Awstraliýada hem girizilipdi. Geçen ýylyň dekabrynda ol ýerde 16 ýaşyna ýetmedik ýetginjeklere sosial ulgamlarda akkaunt açmagy gadagan edýän kanun güýje girdi. Fransiýada hem şuňa meňzeş çärelere taýýarlyk görülýär. Ýurduň Milli ýygnagy (parlamentiň aşaky palatasy) birinji okaýyşda 15 ýaşyna ýetmedik çagalar üçin sosial ulgamlara girmegi gadagan edýän kanun taslamasyny tassyklady.
Власти Испании готовят запрет соцсетей для несовершеннолетних
- 04.02.2026 16:56
- 3.8k+
