Threads sosial ulgamy özüniň aýlyk auditoriýasyny 500 milliona ýetirip, X (öňki Twitter) platformasynyň görkezijilerine golaýlaşdy.
Geçen ýylyň awgustyndan bäri bu serwis 100 milliona golaý täze ulanyjyny özüne çekdi. Meta kompaniýasy ösüşiň bu soňky tapgyryny platformada «Community» funksiýasynyň işe girizilmegi bilen baglanyşdyrýar.
Şu ýylyň iýul aýynda platformanyň döredilenine üç ýyl dolýar. Ilkinji döwürlerde ulgamyň ösmegine Instagram we Facebook bilen baglanyşyk kömek eden bolsa, kompaniýanyň maglumatlaryna görä, häzirki wagtda has köp ulanyjy Threads programmasyna göni girýär. Bu serwisiň meşhurlygy, aýratyn-da, Aziýada örän çalt ýokarlandy. Günorta Koreýada ulanyjylaryň bu programmada geçirýän wagty geçen ýyl bilen deňeşdirilende 80%, Ýaponiýada bolsa 130% artdy.
Şu ýyl Meta kompaniýasy 200-den gowrak ýurtda Threads ulgamynda mahabat görkezip başlady we platformanyň mümkinçiliklerini giňeltmegini dowam edýär. Täze aýratynlyklaryň arasynda jemgyýetleri gözlemek merkezi, işjeň gatnaşyjylary bellemek ulgamy, şeýle hem şu ýylyň iýul aýynda işe girizilmegine garaşylýan janly çatlar funksiýasy bar.
Dürli baha bermelere görä, häzirki wagtda X platformasynyň işjeň ulanyjylarynyň sany 560 milliondan 580 million aralygynda üýtgeýär.
