29-njy ýanwarda awtomobil senagatynda bäsdeşler özara göreşi bir gapdala goýsalar-da, degişmeden ýüz öwürmediler.
Şu senede Karl Benziň özüniň «Motorwagen» ulagyna patent alan gününiň 140 ýyllygy doldy. Häzirki zaman düşünjesindäki awtomobil taryhy edil şu seneden başlanýar diýlip hasaplanýar. Bu gün oýlap tapyjynyň mirasyny göni dowam etdirýän brend Mercedes-Benz-dir we bu marka pudak boýunça "kärdeşleriniň" gutlaglaryň uly akymyny aldy. Olaryň käbirlerine "özboluşly häsiýet" mahsus boldy.
BMW hatda bäsdeşiniň ýubileýinde-de özüni ýatlatmagy ýüregine düwdi. Bawariýaly öndürijiler gutlagynda öz filosofiýasyna ünsi çekdiler: «Karl Benziň awtomobili oýlap tapmagy nähili gowy boldy. Indi bolsa biz maşyn sürmek boýunça lezzeti oýlap tapyp bileris».
Bu habar Benziň portretleri we BMW iX3 elektrik krossoweriniň suraty bilen utgaşdyryldy.
Porsche bolsa has sylaşykly we pelsepewi äheňi saýlap aldy. Kompaniýa Mercedes-Benz bilen umumy taryhyny, awtosportdaky ýeňişlerini we inženerçilik hyzmatdaşlygyny ýatlady: «Awtomobiller diňe bir biziň bedenimizi götermek üçin däl, eýsem ruhumyza täsir etmek üçin döredilendir».
Bu neşir dürli döwürleriň Mercedes modelleriniň suratlary bilen bezeldi.
Gutlaglara şeýle hem Audi, Cadillac, Volvo we birnäçe hytaý brendleri — Geely, Xiaomi, Lixiang hem-de Nio goşuldy.
Mercedes-Benz topary bolsa bu ýubileýi diňe bir sözler bilen däl, eýsem uly täzelik bilen belledi: kompaniýa bu sene mynasybetli özüniň iň naýbaşy modeli bolan S-klass sedanynyň täzelenen görnüşini tanyşdyrdy.
