Apple kompaniýasy audio maglumatlary işläp taýýarlamak üçin emeli aň tehnologiýalaryny döredýän Ysraýylyň Q.AI startapyny satyn alandygyny yglan etdi. Financial Times neşiriniň habar bermegine görä, kompaniýanyň resmi metbugat beýanatyny çap etmändigi sebäpli şertnamanyň jikme-jiklikleri entek nämälimligine galýar.
Gapdalky çeşmeleriň maglumatyndan çen tutsak, satyn alyş mukdarynyň bahasy takmynan 2 milliard dollar töweregidir. Bu Apple üçin seýrek ädimidir, çünki kompaniýa beýle uly möçberdäki şertnamalary örän seýrek baglaşýar. Hatda bu wakany Apple-iň taryhyndaky ikinji iri söwda diýip hasaplamak-da mümkin. Mundan has uly söwda, diňe 2014-nji ýylda Beats kompaniýasynyň 3 milliard dollara satyn alynmagy bolupdy.
Apple-iň Q.AI tehnologiýalaryny nähili görnüşde ulanmagy meýilleşdirýändigi belli däl. Bir belli zat, startapyň enjamlara pes sesli gepleşikleri, şol sanda pyşyrdylary has gowy tanamaga, şeýle-de çylşyrymly şertlerde (mysal üçin, güýçli fon ýa-da galmagal wagtynda) sesiň hilini ýokarlandyrmaga mümkinçilik berýän maşyn öwreniş programmalarynyň üstünde işlemek bilen meşgullanýandygydyr.
Bilermenler şeýle çözgütleri Apple-iň geljekki audio önümlerinde ulanylyp bilinjekdigini belleýärler, emma muňa-da häzirlikçe resmi tassyklama ýok.
12 ýylda iň iri şertnama: Apple 2 milliard dollara ysraýylly Q.AI startapy satyn aldy
- 31.01.2026 22:19
- 2.6k+
