13-nji fewraldan başlap OpenAI kompaniýasy ChatGPT interfeýsinden könelen emeli aň modellerini aýyrýar. Ulanyşdan aýryljak modelleriň hatarynda GPT-4o, GPT-4.1, GPT-4.1 mini we OpenAI o4-mini bar.
Işläp düzüji mundan beýläk ähli ünsüni GPT-5 seriýasynyň häzirki zaman wersiýalaryna, hususan-da, ulanyjylaryň aglaba böleginiň makullaýan GPT-5.2 modeline gönükdirmegi maksat edinýär. Maglumatlara görä, häzirki wagtda GPT-4o modelinden peýdalanýanlar ähli ulanyjylaryň diňe 0,1%-ini düzýär. Bu karar GPT-5 Instant we Thinking wersiýalarynyň işiniň tamamlanmagy baradaky meýilnama bilen bir wagtda durmuşa geçirilýär.
Çat-botuň esasy interfeýsindäki üýtgeşmelere garamazdan, üçünji tarap işläp düzüjileri bu köne algoritmlere API platformasy arkaly girip bilerler. Bu bolsa ozalky tehnologiýalary beýleki programmalarda ulanmaga mümkinçilik berer.
GPT-4o modeli 2024-nji ýylyň maýynda mugt GPT-3.5 bilen has ösen GPT-4-iň arasyndaky "köpri" hökmünde tanyşdyrylypdy.
Kompaniýa häzirki wagtda neýron torlarynyň täze nesillerini (iterasiýalaryny) ösdürmek üçin öz serişdelerini birleşdirip, bu geçiş tapgyryny doly tamamlaýar.
