Nvidia, Microsoft we Amazon kompaniýalary OpenAI-a ýene-de 60 milliard dollar maýa goýýarlar

  • 31.01.2026 09:16
  • 930
Nvidia, Microsoft we Amazon kompaniýalary OpenAI-a ýene-de 60 milliard dollar maýa goýýarlar

Nvidia mikroçip öndürijisi, şeýle hem Microsoft we Amazon tehnologiýa ägirtleri ChatGPT-niň işläp düzüjisi bolan OpenAI kompaniýasyna jemi 60 milliard dollar maýa goýmak barada gepleşik geçirýärler. Bu barada Financial Times neşiri habar berýär.

Çeşmeleriň berýän maglumatlaryna görä, Nvidia 20 milliard dollara çenli maýa goýmagy meýilleşdirýär. Amazon bolsa 10 milliard dollar ýa-da ondan hem köp maýa goýar. Kompaniýanyň 27%-ine eýelik edýän Microsoft hem Amazon bilen deň derejede maýa goýum goşmagy göz öňünde tutýar.
Şertnamanyň beýleki mümkin gatnaşyjylarynyň arasynda 30 milliard dollar töweregi maýa goýmagy göz öňünde tutýan Ýaponiýanyň SoftBank Group korporasiýasy, şeýle hem Birleşen Arap Emirlikleriniň özbaşdak gaznalary, hususan-da Abu-Dabiniň Maýa goýum edarasy we MGX kompaniýasy bar.
Toplanan ägirt uly maýa goýum serişdeleri OpenAI-a öz işini giňeltmek üçin zerurdyr. Hususan-da, bu maliýe serişdeleri emeli aňyň kuwwatyny artdyrmaga kömek etjek täze maglumat merkezlerini gurmaga gönükdiriler.

Bloomberg: sarp ediş elektronikasy pudagyna çökgünlik garaşýar
16.02.2026 20:41
3k+

Bloomberg: sarp ediş elektronikasy pudagyna çökgünlik garaşýar

Dünýäniň iri tehnologiýa kompaniýalarynyň ýolbaşçylary sarp ediş elektronikasy pudagynda uly kynçylyklaryň gelip ýetýändigi barada duýdurýarlar. Emeli aň üçin niýetlenen maglumatlary işlemek merkezleriniň (data-center) örän ýokary islegi, smartfonlarda, noutbuklarda we beýleki ýokary tehnologiýaly enjamlarda ulanylýan DRAM (dinamiki operatiw ýat) mikroshemalarynyň gytçylygyna alyp barýar...

Google emeli aňy ösdürmek üçin 100 ýyllyk karz aldy
12.02.2026 11:34
2k+

Google emeli aňy ösdürmek üçin 100 ýyllyk karz aldy

​Google-yň enelik kompaniýasy bolan Alphabet emeli aň taslamalaryny maliýeleşdirmek üçin üç sany halkara bazarynda obligasiýalary (gymmatly kagyzlaryny) ýerleşdirip, iki günüň içinde 32 milliard dollardan gowrak serişde ýygnady...

Ilon Mask özüniň SpaceX we xAI kompaniýalarynyň birleşýändigini yglan etdi
03.02.2026 20:11
2.9k+

Ilon Mask özüniň SpaceX we xAI kompaniýalarynyň birleşýändigini yglan etdi

​Amerikaly telekeçi Ilon Mask özüniň SpaceX kosmos kompaniýasynyň we emeli aň ulgamyndaky xAI startap kompaniýasynyň birleşýändigini yglan etdi, diýlip SpaceX saýtynda habar berilýär. ​Işewüriň aýtmagyna görä, iki kompaniýanyň birleşmegi bir wagtda emeli aň, raketagurluşyk, internet hyzmatlaryny hödürlemek we sosial media bilen meşgullanyp biljek «innowasion maşynyň» peýda bolmagyna getirer...

FT: ABŞ-nyň ösen kompaniýalary emeli aň zerarly 52 müň işgäri işden çykarmaga taýýarlanýar
02.02.2026 10:53
2.7k+

FT: ABŞ-nyň ösen kompaniýalary emeli aň zerarly 52 müň işgäri işden çykarmaga taýýarlanýar

ABŞ-nyň iri kompaniýalary emeli aň tehnologiýalarynyň giňden ornaşdyrylmagy we zähmet bazaryndaky ösüşiň haýallamagy sebäpli 52 müňe golaý işgäri azaltmagy meýilleşdirýärler. Bu barada Financial Times neşiri habar berýär...