Täze barlaglar uky derňewiniň horlama ýa-da demikme ýüze çykmasyndan has köp maglumat berip biljekdigini görkezdi. Nature Medicine žurnalynda çap edilen giň möçberli gözleg, uky laboratoriýasynda uklanyp geçirilen bir gijäniň köp sanly agyr keselleriň döremek howpuny olaryň ýüze çykmagyndan birnäçe ýyl öň kesgitläp biljekdigini subut etdi.
Alymlar 65 000 adamyň 500 000 sagatlyk uky ýazgylary boýunça tälim alan SleepFM atly emeli aň modelini döretdiler. Hasabata görä, bu model ähli sebäplerden ölüm, demensiýa, ýürek agyry, ýürek ýetmezçiligi, insult, hroniki böwrek keseli we mersatel aritmiýa ýaly 130 görnüşli sökellikleri takyk kesgitleýär. Beýle diýmek, laboratoriýada alnan bir gijelik ukynyň lukmanlara mümkin bolan töwekgelçilikleri irki anyklamak we öňüni alyş çärelerini meýilleşdirmek üçin gymmatly maglumatlary berip biljekdigini aňladýar. Barlagçylar şeýle tehnologiýalaryň lukmançylygyň keselleri bejermekden olaryň öňüni almak ýagdaýyna geçmäge kömek etjekdigine ynanýarlar.
