9-njy ýanwarda Prezident Serdar Berdimuhamedow sanly ulgam arkaly Ministrler Kabinetiniň 2026-njy ýyldaky ilkinji mejlisini geçirdi.
Mejlisiň barşynda wise-premýerler garamagyndaky pudaklarda 2026-njy ýyl üçin iş meýilnamalarynyň taslamalary barada hasabat berdiler.
Hususan-da, H.Geldimyradow ykdysadyýet, maliýe we bank toplumynyň; B.Amanow nebitgaz toplumyna degişli pudaklaýyn dolandyryş edaralarynyň, T.Atahallyýew oba hojalyk toplumynyň, B.Annamämmedow gurluşyk we senagat toplumynyň, N.Atagulyýew söwda toplumynyň, B.Seýidowa medeniýet ulgamyna degişli ministrligiň we pudaklaýyn dolandyryş edaralarynyň, B.Orazdurdyýewa ylym-bilim, saglygy goraýyş we sport ulgamlarynyň, R.Meredow Türkmenistanyň Daşary işler ministrliginiň, M.Çakyýew ulag-aragatnaöyk toplumynyň 2026-njy ýyl üçin iş meýilnamalarynyň taslamamalaryny hödürlediler.
Prezident Serdar Berdimuhamedow hasabatlary diňläp, iş meýilnamalaryny makullady hem-de bu ugurda degişli işleri geçirmegi tabşyrdy.
Mejlisde döwlet durmuşyna degişli başga-da birnäçe möhüm meselelere seredildi we olar boýunça degişli çözgütler kabul edildi.
