Fransuz elektron sahnasy resmi taýdan ýurduň Maddy däl medeni mirasynyň milli sanawyna girizildi. Bu çözgüt geljekde žanry ÝUNESKO-nyň Bütindünýä mirasynyň sanawyna goşmak üçin dalaş etmäge mümkinçilik berýär.
Bu başlangyç barada Fransiýanyň medeniýet ministri Raşida Dati habar berdi. Onuň aýtmagyna görä, elektron aýdym-saz milli mirasda mynasyp ornuny tapdy. Edara ýolbaşçysy gijeki klublaryň indi resmi taýdan «çeper beýanyň ýerleri» hökmünde kesgitlenýändigini belledi.
Žanryň medeni ähmiýetini ykrar etmek prosesi Daft Punk, Justice, Air, Cassius we Phoenix ýaly sungat işgärleriniň döredijiligi bilen baglanyşyklydyr. Fransiýada žanryň ösmeginde 1976-njy ýylda sintezatoryň ulanylmagy bilen ýazylan Žan-Mişel Žarryň «Oxygène» albomynyň uly roly bar. Ol tutuş žanryň ösüş ugruny kesgitledi.
«Bu çözgüt – taryhy pursat» – diýip, köp ýyldan bäri ÝUNESKO-nyň hoşniýetli ilçisi bolan sazanda belledi.
