ChatGPT-de indi Spotify Wrapped ýaly şahsy ýylyň jemini jemlemek funksiýasy peýda boldy. Täze gural «ChatGPT bilen ýylyňyz» adyny aldy we häzirlikçe birnäçe ýurtda, şol sanda ABŞ-da, Beýik Britaniýada, Kanadada, Awstraliýada we Täze Zelandiýada çäkli ulanyjylar üçin elýeterlidir.
Funksiýa mugt ulanyjylar, şeýle-de Plus we Pro agzalary üçin açyk. Ýöne sazlamalarda «Kontekst üçin ýatlamalary saklamak» we «Kontekst üçin çat storisini ulanmak» opsiýalary işjeňleşdirilen bolmaly. Mundan başga-da, bot bilen söhbetlerde işjeňligiň bellibir derejesi saklanmaly. Team, Enterprise we Education ulanyjylary üçin funksiýa elýeterli däl.
«ChatGPT bilen ýylyňyz» funksiýasy beýleki programmalardaky ýyllyk hasabatlaryna meňzeşdir. OpenAI ulanyjynyň ýylyň dowamynda çat-bot bilen gatnaşygyna esaslanan ýiti wizual elementleri, şahsylaşdyrylan maglumatlary we wirtual «baýraklary» ulanýar.
Ýylyň jemi jemlenende ChatGPT ulanyjyny gyzyklandyran esasy temalary görkezýän goşgyny we suraty hem döredýär.
Funksiýanyň programmanyň baş sahypasynda agzalýandygyna garamazdan, ol awtomatik işe girizilmeýär. Oňa ChatGPT-niň web-wersiýasy, şeýle-de Android we iOS üçin mobil goşundylar ýa-da gönüden-göni çat-bota ýüzlenmek arkaly girip bolýar.
