2025-nji ýylda dünýäde iň uly girdejileri häzirem tehnologiýa, maliýe we energetika pudaklarynyň kompaniýalary gazanmagyny dowam etdirýär. Dünýäniň iň girdejili kompaniýalarynyň reýtinginiň ýokary orunlaryny Alphabet, Apple we Microsoft tehnologiýa korporasiýalary eýeledi.
2025-nji ýylyň noýabryna çenli soňky 12 aýda kompaniýalaryň arassa girdejisini görkezýän infografika üçin maglumatlar FinanceCharts tarapyndan hödürlendi. Seljerme bu kompaniýalaryň işiniň näderejede girdejililigini hem görkezýär.
Alphabet 124,3 mlrd dollar möçberde arassa girdeji bilen birinji orny eýeleýär. Onuň yzyndan Apple we Microsoft gelýär. Bu kompaniýalaryň üstünligi sanly hyzmatlaryň, mahabat platformalarynyň we korporatiw programma üpjünçiliginiň ýokary girdejileri bilen baglanyşyklydyr.
53,7% girdejililik bilen NVIDIA hem aýratyn tapawutlanýar. Bu bolsa emeli aň üçin çiplere bolan islegiň artýandygyny görkezýär.
Tehnologiýa pudagyndan daşary iň girdejili kompaniýa 95,6 mlrd dollar bilen Saudi Aramco bolmagynda galýar.
Maliýe pudagynda esasy oýunçylaryň arasynda JPMorgan Chase, Bank of America we Wells Fargo ýaly amerikan we ICBC, China Construction Bank, Agricultural Bank of China we Bank of China ýaly hytaý banklary bar.
Ilkinji 50 kompaniýanyň hataryna Ýewropanyň HSBC, BNP Paribas we Santander maliýe edaralary hem girdi.
Özüniň belli we gymmat bahaly derman serişdeleri bilen ýokary girdejililigi Merck, Eli Lilly we Novo Nordisk ýaly farmasewtika kompaniýalary hem görkezdi.
