«Türkmenistan» awiakompaniýasy Aşgabat-Türkmenbaşy gatnawlaryň sanyny artdyrdy

  • şu gün 08:51
  • 546

«Türkmenistan» awiakompaniýasy içerki gatnawlaryň tertibini täzeledi. Aşgabat — Türkmenbaşy ugry boýunça goşmaça gatnaw girizdi we Daşoguz şäherine uçuşlaryň sany täzelendi.

Aşgabat — Türkmenbaşy ugry boýunça T5-245 belgili gatnaw 12-nji dekabra çenli her gün amala aşyrylar. Uçuş sagat 14:30-da meýilleşdirilýär we uçar 15:30-da gonar. Bu ugur boýunça şeýle-de T5-241 (her gün, uçuş 06:20) we T5-247 (her gün, uçuş 18:20) belgili gatnawlar ýerine ýetirilýär.
Aşgabat — Daşoguz ugry boýunça T5-113 belgili gatnawda hem üýtgeşmeler boldy. 12-nji dekabra çenli ol her gün amala aşyrylar, emma 13-nji dekabrdan başlap uçuşlaryň sany hepdede dört gezege çenli azaldylar — duşenbe, çarşenbe, anna we ýekşenbe günleri. Uçuş sagat 22:40-da, barmak wagty 23:30-da amala aşyrylýar.
«Türkmenistan» awiakompaniýasynyň galan içerki gatnawlarynyň tertibi üýtgewsiz galýar. Awiakompaniýa Aşgabat — Mary, Aşgabat — Türkmenabat, Aşgabat — Balkanabat, Aşgabat — Kerki ugurlary boýunça we yzyna yzygiderli gatnawlary ýerine ýetirmegini dowam etdirýär.


düýn 21:19
1.2k+

Angliýanyň hökümeti syýahatçylyk salgydyny girizmegi meýilleşdirýär

Angliýanyň hökümeti otellerde, myhman öýlerinde we beýleki ýerleşilýän jaýlarda galýan myhmanlar üçin syýahatçylyk salgydyny girizmäge taýýarlanýar. Ýolbaşçylar häkimlere şeýle tölegi kesgitlemäge hukuk bermegi meýilleşdirýär...

düýn 09:28
3.3k+

La Liste ýylyň iň gowy 1000 restoranyny saýlady

Parižde restoranlaryň iň belli halkara reýtingleriniň biri bolan La Liste ýyllyk baýragynyň netijesi yglan edildi. Şu ýyl birinji orunda birbada on restoran ýerleşdi – olaryň ählisi 100-den 99,5 bal gazandy. Öňdebaryjylaryň biri Pariždäki Guy Savoy boldy...

26.11.2025 13:14
8k+

Hytaýyň Şençžen şäherinde dünýäde iň uly üsti ýapyk dag lyža kurorty açyldy

Hytaýda dünýäde iň uly üsti ýapyk dag lyža kurorty bolan Huafa Snow World işläp başlady. Ol Şençžende ýerleşýär we 100 müň inedördül metr meýdany tutýan emeli garly toplumdyr (bu takmynan 11 futbol meýdançasyna barabardyr)...

26.11.2025 10:11
3.7k+

Baryp görmeli 31 köçe: Time Out olaryň reýtingini düzdi

Time Out žurnaly iýmiti, dynç alşy we atmosferany göz öňünde tutup, ýerli redaktorlaryň we bilermenleriň saýlamagynda dürli ýurtlardan iň gowy 31 köçäniň reýtingini hödürledi. Sanaw neşiriň saýtynda elýeterli. Awtorlar reýtingdäki köçeleriň öz şäherleriniň häsiýetini we şähdini görkezýändigini belleýär...