Meksikaly Frida Kalonyň “Düýş” (El sueño) suraty Sotheby’s auksionynda 54,7 mln dollara satyldy – bu zenanlar tarapyndan döredilen suratlar üçin täze rekord boldy diýip, The Wall Street Journal habar berýär.
“Düýş” 1940-njy ýylda çekildi. Suratda çyrmaşyk ösümlikleriň arasynda krowatda ýatan Kalonyň özi şekillendirilýär. Onuň ýokarsynda, ikinji gatda bolsa onuň partlaýjylar we guran güller bilen saralan metaforik skeleti ýatyr. Suratkeş bu suraty ýata bolup, arkasynda hroniki keselden bejergi alýan wagty döretdi (ýaşlykda agyr heläkçilikden soň oňurga şikesini aldy).
Söwda başlamazdan ozal surat 40 mln dollar bilen bahalandyrylypdy.
The Guardian-yň maglumatlaryna görä, surat hususy kolleksiýada saklandy, ýöne eýesiniň ady mälim edilmeýär. Meksikada muzeýlerde we hususy ýygyndylarda saklanýan Kalonyň eserleri sungat ýadygärlikleri hökmünde hasaplanýar we satmak üçin gadagan edilýär.
Bu şertnamadan öň awtory zenan bolan iň gymmat eser Jorjiýa O’Kiffiň “Dänegerçek/Ak gül № 1” suratydy. Ol 2014-nji ýylda 44,4 mln dollara satyldy.
“Düýş” suratynyň satuwy latynamerikan sungaty üçin hem rekord boldy, ozal ony Frida Kalonyň “Diego we men” (Diego y Yo) suraty saklaýardy. 2021-nji ýylda ol 34,9 mln dollara satylypdy.
