«Sotheby’s» auksion öýi britaniýaly köçe suratkeşi Benksiniň «Söýgi howada galgaýar» diýlip atlandyrylýan, emma köplenç «Gül zyňyjy» ady bilen has gowy tanalýan eserini Londonda söwdalaşyga çykarar. Harydyň iň ýokary çaklanylýan bahasy 7,2 million dollara barbardyr.
Bu şekil ilkinji gezek 2003-nji ýylda, Ysraýyl bilen Iordanyň Günbatar kenarynyň arasynda haýat gurlanyndan soň, Betlewemde graffiti görnüşinde peýda boldy. Eserde ýüzi nykaply, elindäki bir bogy gül çemenini zyňmaga taýyn bolup duran adam şekillendirilýär.
Auksiona eseriň 2011-nji ýylda döredilen, ölçegi 2,1-iň 2,1 metre bolan görnüşi çykaryldy. Ol tersa usullarda ýerine ýetirilip, adamyň sypaty ülňiniň kömegi bilen, gül çemeni bolsa ýagly boýaglar arkaly elde çekilendir.
Bu eser Londonda döredildi, şondan soň ol San-Fransiskodaky hususy kolleksiýada saklandy, soňra bolsa Los-Anjelesdäki «Komden Kontemporary» döwrebap sungat muzeýinde sergilendi.
«Sotheby’s» esere 4,6–7,2 million dollar aralygynda baha kesýär. Suratkeşiň bähbitlerini araýan we awtorlyk hukuklary meseleleri bilen meşgullanýan «Pest Control» kompaniýasy eseriň hakykylygyny tassyklady.
