21-nji noýabrda Türkmenistanyň Döwlet medeniýet merkeziniň Mukamlar köşgünde Ýewropa Bileleşiginiň Medeniýet günleriniň çäginde polşaly meşhur pianinoçy Woýseh Waleçegiň konserti geçiriler.
Woýseh Waleçek ABŞ-nyň Nýu-Ýork şäherinde geçirilen Artur Rubinşteýn adyndaky halkara ýaşlar bäsleşiginiň, Italiýanyň Parma şäherinde geçirilen F. Liszt adyndaky halkara bäsleşiginiň, şeýle hem Palermo şäherinde geçirilen halkara pianinoçylar bäsleşiginiň we birnäçe beýleki abraýly baýraklaryň ýeňijisidir.
Ol diňe bir solo konsertler bilen çäklenmän, kamera sazandalar toparlary we simfoniki orkestrler bilen hem çykyş edýär. Olaryň arasynda: Warşawadaky Polşa Radiosynyň orkestri, Krakowdaky Beethowen akademiki orkestri, Amman simfoniki orkestri we beýlekiler bar.
Konsertiň başlanjak wagty — 19:00. Giriş — mugt.
