Türkmenistanyň Bilim ministrligi tarapyndan guralan bilim edaralarynyň we pedagogik işgärleriň arasynda yzygiderli geçirilýän döwlet bäsleşikleriniň jemleri jemlendi. Bu bäsleşikler ýurdumyzyň ähli sebitlerinden bilim ulgamynyň wekilleriniň gatnaşmagynda jemi 15 ugur boýunça geçirildi.
Döwlet tapgyrynyň netijelerine görä, baş baýraga mynasyp bolanlar:
- «Iň gowy çagalar bagy»: Balkan welaýatynyň Türkmenbaşy etrabynyň 14-nji çagalar bagy.
- «Iň göreldeli çagalar bagynyň müdiri»: Sähragül Akmämmedowa, Mary etrabynyň 2-nji çagalar-bakja bagy.
- «Iň göreldeli terbiýeçi-usulyýetçi»: Mähri Abdyweliýewa, Daşoguz şäheriniň 31-nji çagalar bakja-bagy.
- «Iň gowy topar otagy»: Mahira Ermetowa, Daşoguz şäheriniň ýöriteleşdirilen 39-njy çagalar bakja-bagynyň terbiýeçisi.
- «Iň gowy mekdep»: Daşoguz şäheriniň iňlis dili dersine ýöriteleşdirilen 29-njy orta mekdebi.
- «Iň göreldeli mekdep müdiri»: Jahan Saparmyradowa, Mary şäheriniň 27-nji orta mekdebiniň müdiri.
- «Mekdep müdiriniň iň göreldeli okuw-terbiýeçilik işleri boýunça orunbasary»: Bagtygül Pudakowa, Arkadag şäheriniň ýöriteleşdirilen 3-nji orta mekdebiniň müdiriniň orunbasary.
- «Mekdep müdiriniň iň göreldeli terbiýeçilik işleri boýunça orunbasary»: Gülendam Gylyçlyýewa, Mary şäheriniň 24-nji zehinli ýaşlar mekdebiniň müdiriniň orunbasary.
- «Iň göreldeli synp ýolbaşçysy»: Merjen Saparowa, Daşoguz şäheriniň ýöriteleşdirilen 25-nji orta mekdebiniň başlangyç synp mugallymy.
- «Iň gowy okuw otagy»: Amangül Sopyýewa, Daşoguz şäheriniň ýöriteleşdirilen 25-nji orta mekdebiniň başlangyç synp mugallymy.
- «Iň göreldeli aýdym-saz mugallymy»: Baýrammyrat Keljäýew, Gyzylarbat etrabynyň 18-nji çagalar bakja-bagy.
- «Iň gowy mekdep kitaphanasy»: Aşgabat şäheriniň ýöriteleşdirilen 145-nji orta mekdebiniň kitaphanasy.
- «Iň gowy mekdep sport zaly»: Daşoguz şäheriniň 29-njy orta mekdebiniň sport zaly.
- «Iň göreldeli mekdepden daşary çagalar edarasy»: Daşoguz welaýatynyň Akdepe etrabynyň Çagalar we ýetginjekler döredijilik öýi.
- «Iň göreldeli gurnak ýolbaşçysy»: Orazjan Sapargeldiyew, Görogly etrabynyň Çagalar we ýetginjekler döredijilik öýüniň «Deprekçiler» gurnagynyň ýolbaşçysy.
Şeýle-de, bäsleşikleriň hersinde Aşgabat, Arkadag şäherlerinden we ýurdumyzyň ähli welaýatlaryndan birinji, ikinji, üçünji orunlary eýelänler we höweslendiriji baýraklara mynasyp bolanlar kesgitlenildi.
Gatnaşyjylaryň işlerine döwlet edaralarynyň we jemgyýetçilik guramalarynyň hünärmenlerinden, Türkmenistanyň Milli bilim institutynyň, Seýitnazar Seýdi adyndaky Türkmen döwlet mugallymçylyk institutynyň, Türkmen döwlet medeniýet institutynyň, Aman Kekilow we Hydyr Derýaýew adyndaky mugallymçylyk mekdepleriniň, «Türkmenistan» we «Mugallymlar gazeti» gazetleriniň, «Bilim» ylmy-usuly žurnalynyň hem-de Türkmenistanyň Kärdeşler arkalaşyklarynyň Milli merkeziniň wekillerinden ybarat bolan eminler topary adalatly baha berdi.
