Braziliýadan we Germaniýadan alymlaryň topary etiň ornuny çalşyp biljek innowasion önümi işläp taýýarladylar. Bu önüm üçin esasy çig mal hökmünde günebakar uny ulanyldy diýip, ScienceDaily ýazýar.
Barlag prosesinde alymlar ilki bilen günebakar tohumlaryndan ýag çykardylar, soňra uny gabygyndan we käbir fenollardan arassaladylar — bu minerallaryň we beloklaryň özleşdirilmegini gowulandyrdy.
Önümiň iki görnüşi döredildi: biri gowrulan günebakar dänesinden alnan un, beýlekisi bolsa teksturirlenen günebakar belogynyň esasynda. Ikisine-de pomidor tozy, dürli önümler (spesiýalar) we günebakar, zeýtun hem-de lýan ýaglarynyň garyndysy goşuldy. Bu garyndylar ownuk burger kotletleri görnüşinde şekillendirildi we ýylylyk bilen gaýtadan işlenildi.
Synaglaryň netijesinde teksturirlenen günebakar belogyndan ýasalan kotletleriň gurluşynyň has gowudygyny, has köp belok we peýdaly ýag turşularyny saklaýandygyny görkezdi. Şeýle hem önüm minerallara baý bolup, demir üçin günlük mukdaryň ýarysyny, sink üçin üçden iki bölegini we magniý hem-de margansyň ep-esli bölegini üpjün edýär.
Bu barlag FAPESP gaznasynyň goldawy bilen alnyp baryldy we günebakar önümçiliginiň galyndylaryny peýdalanmaga gönükdirilendir. Günebakar genetik taýdan üýtgedilmedik ösümlik bolany üçin, aýratyn gyzyklanma döredýär. Günebakar uny ösümlik beloklaryna baý bolup, häzirki zaman sagdyn iýmit talaplaryna laýyk gelýär.
Braziliýanyň Azyk Tehnologiýalary institutyndan Mariýa Tereza Bertoldo Paçeko uny arassalamagyň tagamyny we ysyny gowulandyrýandygyny, ekstruziýa usulynyň bolsa önüme et ýaly gurluş berýändigini belledi. Onuň sözlerine görä, bu açyş günebakar täsirli ulanylyşy üçin täze mümkinçilikleri açýar.
