Alymlary Antarktikadaky imperator pingwinleriň sany uly alada goýýar. Le Monde gazetiniň habar bermegine görä, guşlar üçin esasy howpy olaryň ýaşamagynyň we köpelmeginiň şerti bolan deňiz buzluklarynyň meýdanynyň azalmagy döredýär.
Geçirilen barlaglar soňky üç ýylyň içinde imperator pingwinleriň süri sanynyň dört esseden hem köp azalandygyny görkezdi. 2022-nji ýylda hemra arkaly alnan suratlarda 100-den gowrak guş topary hasaba alnan bolsa, 2025-nji ýylda olaryň sany bary-ýogy 25-e çenli peseldi.
Buzluklaryň meýdanynyň daralmagy pingwinleri has çäkli ýerlerde ýaşamaga mejbur edýär. Soňky ýyllarda kenarýaka buzluklary guşlaryň tüý çalyşma döwri tamanlanmanka eräp ugrady. Netijede, guşlar adatdakydan has ir ummana girmeli boldular. Olaryň köpüsiniň entek tomus tüýündedikleri sowuk urmadan heläk bolmaklaryna sebäp boldy.
Mundan öň, şu ýyl birnäçe sürüleriniň nesillerini doly diýen ýaly ýitirendigi habar berlipdi. Jüýjeler heniz suwda öz başlaryny çaramaga ýetişmänkäler buzlaryň akymy başlandy.
