Nottingem şäheriniň ýaşaýjysy Sofi Dauning garaşylmadyk ýagdaýda dünýäniň iň baý adamy boldy — iň bolmanda hasap ýüzünde. Ýöne ol pulunyy diňe kofehanada sarp edip bilýär diýip, The Mirror neşiri onuň gabat gelen ýagdaýyny beýan edýär.
Bar zada kofehana ulgamynyň sowgat kartyndaky tehniki ýalňyşlyk sebäp boldy.
Sofi Täze ýylyň öňüsyrasynda «200 Degrees» kofehana ulgamyndan takmynan 10 funt sterling (12 dollar töweregi) balansy bolan sowgat kartyny aldy. Geçen hepde bolsa matça-latte satyn almak üçin karty ulananda, onuň kartdaky hasabynyň 63 kwadrillion funt sterlingden geçýändigi mälim boldy. Mundan çen tutsaň, bu zenan dünýäniň iň baý adamy, SpaceX we Tesla kompaniýalarynyň esaslandyryjysy Ilon Maskdan hem 100 müň esse has baý bolýar.
Sofi bu ýagdaýy gülki bilen kabul etdi-de, öň hiç haçan beýle waka bilen gabatlaşmandygyny boýun aldy. Oňa kofehananyň işgäri hem haýran galdy, ýöne karty alyp galmady. Zenan ony ikinji gezek ulanandan soň, beýle tüçjar baýlykdan peýdalanmagy bes etmeli diýen karara geldi. Ol bu ýagdaýyň ştrih-koduň nädogry okalmagy sebäpli dörändigini çaklaýar.
