Soňky on ýylyň içinde bolup geçen iň güýçli gar boragany ABŞ-nyň demirgazyk-gündogarynda köpçülikleýin elektrik togunyň kesilmegine we ulag gatnawynyň doly togtamagyna getirdi.
Meteorologlaryň berýän maglumatlaryna görä, bu ştatlarda bir gije-gündiziň dowamynda 60 santimetrden köp gar ýagdy. Rod-Aýlend ştatynda iň uly gar üýşmekleri 96 santimetre deň boldy.
Nýu-Ýorkuň dürli sebitlerinde garyň galyňlygy 50-den 80 santimetre çenli ýetýär. Güýçli gar sebitde iki müňden gowrak uçuşyň ýatyrylmagyna, käbir şäherlerde bolsa jemgyýetçilik ulaglarynyň gatnawynyň ymykly bes edilmegine sebäp boldy. Tebigy hadysa sebäpli 600 müňden gowrak adam elektrik üpjünçiliginden mahrum galdy. Boragandan iň köp zyýan çeken sebit Massaçusets ştaty boldy.
Gar boraganynyň iň güýçlenen pursatynda ABŞ-nyň iň uly şäheriniň görnüşi:
Nýu-Ýork gazna biržasynyň öňünde, 23-nji fewral, 2026-njy ýyl
Manhetteniň aşaky Ist-Saýd etraby. 23-nji fewral, 2026-njy ýyl
Nýu-Ýorkuň Merkezi seýilgähindäki howuzda ördekler, 23-nji fewral, 2026-njy ýyl
Ist-Saýd etraby, 23-nji fewral, 2026-njy ýyl
Eli pilli bruklin ýaşaýjysy, 23-nji fewral, 2026-njy ýyl
Taýms-skwerde öz ýasan suw geçirmeýän aýakgabyndaky nýu-ýorkly, 23-nji fewral, 2026-njy ýyl
