Täze «Onlaýn hyzmat» goşundysy arkaly ykjam telefonlarynyň, internediň we beýleki sanly hyzmatlaryň tölegini aňsatlyk bilen amala aşyryp bolýar. Mundan başga, programma balansyňy häzirki wagt tertibinde yzarlamak mümkinçiligini açýar.
Ulanyjylar programmanyň kömegi bilen aşakdaky hyzmatlar üçin tölegi geçirip bilerler:
- TmCell ykjam aragatnaşyk hyzmatlary;
- AŞTU (Aşgabat şäher telefon ulgamy) hyzmatlary: internet, IPTV we telefon;
- Türkmentelekom hyzmatlary: internet we telefon;
- Belet Film we Älem TV;
- Lexicon dil öwreniş platformasy.
Ähli birikdirilen hyzmatlar boýunça balanslar real wagt tertibinde görkezilýär, bu bolsa çykdajylara gözegçilik etmegi has-da aňsatlaşdyrýar.
Birnäçe belgini dolandyrmak mümkinçiligi: Programmada bir hasaba (akkaunta) iki-üç sany TmCell telefon belgisini birikdirip bolýar. Bu aýratynlyk birnäçe telefon belgisi ulanýanlar, şeýle hem çagalarynyň balansyny hemişe gözegçilikde saklamak we wagtynda doldurmak isleýän ene-atalar üçin örän amatlydyr.
Keşbek: TmCell we Lexicon hyzmatlary üçin edilen tölegleriň 1%-i keşbek görnüşinde yzyna gaýtarylýar. Toplanan serişdeleri indiki gezek şol hyzmatlar üçin töleg geçirilende ulanyp bolýar.
«Onlaýn hyzmat» goşundysy ynamly we çalt ösüş görkezýär. Onuň ulanyjylarynyň sany günsaýyn artýar. Ulanyjylar diňe bir programmany ýükläp almak bilen çäklenmän, eýsem ony işjeň ulanýarlar, tanyş-bilişlerine maslahat berýärler we durnukly islegi kemala getirýärler.
«Onlaýn hyzmat» programmasyny App Store we Google Play dükanlaryndan ýükläp alyp bilersiňiz.
