Russiýaly alymlar häzirki Russiýanyň günbatary bilen serhetdeş sebitlere hem golaý ýerleşýän Stawropol ülkesinden 5–6 million ýyl öň ýaşan äpet aýynyň galyndylaryny tapdylar. Bu barada Paleontologiýa institutynyň direktory Alekseý Lopatin habar berdi.
Ýabany haýwanyň täze tapylan görnüşine institutyň ilkinji direktory we rus paleontologiýasynyň esaslandyryjylaryndan biri bolan akademik Alekseý Borisýagyň hormatyna «Borisýagyň urakany» diýen at berildi.
Alymlaryň bellemegine görä, bu aýy 700 kilogramdan hem agyr bolup, häzirki döwürde ýaşaýan iň uly aýylaryň derejesinde bolupdyr. Ol diňe iri bolman, eýsem çalt ylgamaga hem ukyply bolupdyr.
Tapylan galyndylar ahyrky miosen döwrüne degişli — bu döwürde sebitiň howasy has ýyly, tebigaty bolsa has baý bolupdyr.
Häzirlikçe bu görnüşiň diňe bir nusgasy tapyldy, ýöne alymlar geljekde has köp galyndylary tapjakdyklaryna ynanýarlar.
Täze açylan äpet aýy häzirki pandalaryň daşgyn garyndaşlary bolan gadymy äpet aýylaryň toparyna degişli. Ýöne ol pandalardan tapawutlylykda, diňe ot iýiji däl-de, iri haýwanlara hem aw edip bilýän güýçli ýabany bolupdyr.
