Mýanmadaky Kaçin ştatynda ýaşy 99 mln ýyl bolan ýantar böleginde häzire çenli belli bolanlaryň arasynda iň gadymy çybyn liçinkasy tapyldy diýip, Independent habar berýär.
Tirannozawrlaryň döwürdeşi bolan bu tapyndy ozal näbelli görnüşiň wekili bolup çykdy. Oňa Cretosabethes primaevus ady berildi.
Mundan öň alymlara şol döwrüň diňe uly çybynlarynyň galyndylaryny tapmak başardypdy. Bu mör-möjekler, adatça, häzirki wagtda ýitip giden Culicidae maşgalasyna degişli bolan Burmaculicinae toparyna degişli edilýärdi. Olardan tapawutlylykda, Cretosabethes primaevus çybynlaryň häzirki görnüşlerini-de öz içine alýan Sabethini toparyna degişli edildi.
Lýudwig we Maksimilian adyndaky Mýunhen uniwersitetinden zoolog Andre Amarala liçinkanyň häzirki mör-möjeklere örän meňzeşdigini belledi. Tapyndy hek döwründe çybynlaryň ýitip giden görnüşleriniň häzirki günlere çenli ýaşan görnüşler bilen bilelikde ýaşan bolmagynyň mümkindigini görkezýär. Şeýle tapyndy mör-möjekleriň ewolýusiýasyna has gowy düşünmäge kömek edýär.
