Ýaponiýanyň Nippon Travel syýahatçylyk kompaniýasy uly taslamany işe girizýändigini habar berdi: 2030-njy ýyllara çenli Nýu-Ýork bilen Tokionyň arasynda dowamlylygy bary-ýogy bir sagat bolan kosmos uçuşlary ýola goýlar.
Bu täze hyzmat point-to-point transport diýlip atlandyrylýar we gaýtadan ulanylýan raketalary ösdürýän Innovative Space Carrier Inc. atly startap bilen hyzmatdaşlykda durmuşa geçirilýär.
Uçuşyň gidiş-geliş bahasynyň takmynan 657 müň dollara deň boljakdygy aýdylýar.
Uçuşlaryň ummanyň üstündäki ýörite ýüzýän platformalardan amala aşyrylmagy meýilleşdirilýär. Taslamanyň baş maksady — Ýerdäki islendik iki nokady bary-ýogy bir sagatda baglanyşdyrmak.
Häzirki wagtda jikme-jik maglumatlar mälim edilmeýär, ýöne uçuşlar üçin öňünden bronlary 2026-njy ýyldan başlap ýazdyryp bolar. Şeýle hem kompaniýa müşderilere kosmos syýahatynyň aýratynlyklaryny kem-kemden tanyşdyrmak üçin kosmosda ulanylýan azyk tagamlaryny dadyp görmek, ýerüsti tehnologiýa desgalaryna gezelençler ýaly kabir maksatnamalary hem hödürlejekdigini aýdýar.
Bu taslama ýokary tizlikli syýahatyň täze eýýamyny açyp, geljegiň syýahatçylygyna täze mümkinçilikler getirer diýlip garaşylýar.
