Apple korporasiýasynyň bazar bahasy ilkinji gezek 4 trillion dollardan geçdi, muňa Nasdaq biržasynyň maglumatlary şaýatlyk edýär. Bu kompaniýany Nvidia bilen Microsoft-dan soň taryhda şeýle derejä ýetmegi başaran üçünji kompaniýa edýär.
Sişenbe güni söwdanyň iň ýokary sepgidinde Apple-yň aksiýalary 269,87 dollar boldy, kapitalizasiýasy bolsa 4,001 trillion dollar boldy. 20:04-de aksiýanyň bahasy azajyk düşüp, 268,8 dollar, bazar bahasy bolsa 3,992 trillion dollar boldy.
Analitikler aksiýalaryň gymmatlamagyny sentýabrda çykarylan täze iPhone 17 hataryna bolan ýokary isleg bilen baglanyşdyrýarlar.
“Apple heniz emeli aň ugrundaky mümkinçilikleri doly ulanmasa-da, bazar kapitalizasiýasynyň 4 trillion dollara ýetmegi Cupertino we tehnologiýa ýygnaýjylary üçin bir möhüm pursat boldy. Bu Apple-yň dünýäde ‘iň gowy müşderi franşizasyny’ döredenginiň subutnamasydyr” diýip, Wedbush Securities maliýe kompaniýasynyň analitigi Den Aýws Bloomberg agentligine aýtdy.
Taryhda birinji bolup 4 trillion dollara 2025-nji ýylyň iýulynda Nvidia ýetdi. Şonda şol aýda Microsoft hem bu derejä ýetdi.
Häzir Nvidia-nyň bazar bahasy 4,894 trillion dollar bolup, ol ilkinji bolup 5 trillion dollara ýetmegi göz öňünde tutýar.
Microsoft-yň kapitalizasiýasy bolsa 4,029 trillion dollar deňdir.
