Sega bilen Sports Interactive studiýasynyň Football Manager oýun seriýasy 20 ýyllygyny belleýär. Öz taryhynda ilkinji gezek oýun FIFA-nyň resmi ygtyýarnamasyna eýe bolar. Işläp düzüjiler Halkara futbol federasiýasy bilen köpýyllyk hyzmatdaşlyk barada habar berdi, bu bolsa oýunlarda FIFA-nyň howandarlygynda uly ýaryşlaryň peýda bolmagyna mümkinçilik berýär.
Football Manager 26-da futbol boýunça dünýä çempionaty, zenanlaryň arasynda dünýä çempionaty we Klublaýyn dünýä çempionaty hödürlener. Soňlugy bilen işläp düzüjiler başga ýaryşlary hem goşmagy meýilleşdirýär.
Oýunçylara 48 ýygyndynyň ählisiniň resmi formasy, hakyky ýaýlymlaryň stilinde bezeg we ýaryşlaryň doly atributikasy garaşýar. Mundan başga-da, 2026-njy ýylyň dünýä çempionatyna çenli milli ýygyndylary dolandyrmagyň kämilleşdirilen ulgamy bilen uly täzelenme meýilleşdirilýär – ol Football Manager 26-da, Football Manager 26 Console-da we Football Manager 26 Touch-da elýeterli bolar.
Sports Interactive studiýasynyň başlygy Maýlz Jeýkobson FIFA bilen hyzmatdaşlygy topar üçin “taryhy pursat” diýip atlandyrdy we munuň hyzmatdaşlygyň başlangyjydygyny belledi.
Football Manager 26 4-nji noýabrda Steam, Epic Games Store we Microsoft Store platformalarynda çykar. PS5, Xbox One we Xbox Series X|S konsollary üçin wersiýalar hem şol gün, Nintendo Switch üçin Football Manager 26 Touch bolsa 4-nji dekabrda çykar. iOS we Android/Netflix üçin mobil wersiýalar hem 4-nji noýabrda elýeterli bolar.
