Teýlor Swift Spotify-da täze rekord goýdy: onuň geljekki “The Life of a Showgirl” albomy resmi çykmazyndan ozal 5 milliondan gowrak ulanyjy tarapyndan çykan badyna diňlemek üçin öňünden ýatda saklanyp galdy. Bu platformanyň taryhynda albomyň şeýle görkezijä ilkinji gezek ýetmegidir. Ozal öňünden kolleksiýa goşmak boýunça rekord onuň geçen ýylky “The Tortured Poets Department” albomyna degişlidi.
Täze albomyň relizi 3-nji oktýabra meýilleşdirilýär. Bu aýdymçynyň 12-nji studiýa albomy bolar. Albomyň çykjak güni Swift Grem Nortonyň şüweleňinde çykyş eder. ABŞ-da 500-den gowrak Target dükany bolsa satuwa başlamak üçin ýarygije açylar.
Albom prodýuserler Maks Martin we Şeýllbek bilen hyzmatdaşlykda döredildi. Aýdymlaryň sanawyna Sabrina Karpenter bilen duet hem girdi.
Aýdymçynyň aýtmagyna görä, albom onuň “The Eras Tour” konsert syýahatynyň dowamyndaky “joşgunly we dartgynly içki ýagdaýyny” görkezýär.
