Osakada geçirilýän EXPO-2025 Bütindünýä sergisinde Türkmenistanyň milli pawilýonyna şu güne çenli 2 milliondan gowrak adam baryp gördi. Bu barada serginiň guramaçylary habar berdi. Häzirki ýagdaýa çenli türkmen pawilýonynyň saýtyndaky maglumata görä, bu san 2 mln 5 müň adamdan geçdi we bu san artmagyny dowam edýär.
Pawilýonyň arhitekturasy milli nagyşlar we döwrebap dizaýn çözgütleri bilen sergä gelýänleriň ünsüni çekýär. Onuň gurluşygynda ekologik taýdan arassa serişdeler ulanyldy, bu bolsa Türkmenistanyň durnukly ösüş ýörelgelerine ygrarlydygyny görkezýär.
Pawilýondaky sergi innowasion tehnologiýalara, ykdysady kuwwata we Türkmenistanyň medeni mirasyna bagyşlanan mowzuklaýyn bölümleri öz içine alýar. Myhmanlar türkmen halylarynyň kolleksiýasyny görüp, milli nakgaşçylyk bilen tanşyp, milli aşhananyň tagamlaryndan dadyp bilerler.
Pawilýonyň taslamasyny «Belli Creative» dizaýn studiýasy işläp taýýarlady.
EXPO-2025 Bütindünýä sergisi 13-nji aprelden 13-nji oktýabra çenli Osakanyň aýlagyndaky Ýumeşima emeli adasynda geçirilýär.
