Balkan welaýatyndaky Saparmyrat Türkmenbaşy adyndaky döwlet drama teatry III Halkara TÜRКSOÝ teatr festiwalynda Türkmenistana wekilçilik edýär. Forum 21–26-njy sentýabrda şu ýyl Türki dünýäsiniň medeni paýtagty diýlip yglan edilen Aktau şäherinde geçirilýär.
26-njy sentýabrda türkmen topary N.Janturin adyndaky welaýat sazly-drama teatrynyň sahnasynda «Baýram han Türkmen» atly sahna bilen çykyş eder.
Festiwala Azerbaýjandan, Gyrgyzystandan, Türkiýeden, Özbegistandan, Wengriýadan, Türkmenistandan we Gazagystandan jemi dokuz teatr topary gatnaşýar. Oýunlary şol ýurtlaryň režissýorlary, dramaturglary we tankytçylary bahalandyrar.
Çäräniň maksatnamasy diňe bir sahna çykyşlary bilen çäklenmeýär. Onda pikir alyşmalar we okuw maslahatlary hem bar. Mundan öň «Türki dünýäsiniň teatrlary: medeni utgaşmak, döredijilik aragatnaşygy we döwrebap ösüş ugurlary» atly tematika boýunça direktorlar geňeşiniň on birinji maslahaty geçirildi. Oňa TÜRКSOÝ-nyň ýolbaşçylary we gurama agza döwletleriň döwlet teatrlarynyň ýolbaşçylary gatnaşdy.
